تحريڪ انصاف، ڪراچي جي ميئر جي چونڊ ۾ جماعت اسلامي جي حمايت جو اعلان ڪري ڇڏي پي ٽي آءِ ڪراچي جي ترجمان جو چوڻ آهي ته پيپلز پارتي ڪراچي جي ميئر جي چونڊ ۾ ڌانڌلي ڪري رهي آهي، پ پ چونڊيل نمائندن کي پوليس ذريعي اغوا ڪري رهي آهي، ڪراچي جي ميئر جي چونڊ شفاف نموني ٿيڻ گهرجي.
پي ٽي آءِ ڪراچي جي ترجمان موجب، تحريڪ انصاف ڪراچي جي ميئر جي چونڊ ۾ جماعت اسلامي جي اميدوار حمايت جو فيصلو ڪيو آهي جڏهن ته پيپلز پارٽي ڪراچي جي ميئر جي چونڊ عمل ۾ پري رگنگ ڪري رهي آهي.
پي ٽي آءِ ڪراچي جي ترجمان جو چوڻ آهي ته پيپلز پارٽي چونڊيل نمائندن کي پوليس ذريعي اغوا ڪري رهي آهي، پ پ چار ڀيرا مڪاني چونڊن کان پٺتي هٽي وئي ۽ هاڻي جلدبازي ۾ ميئر جي چونڊ ڪرائڻ چاهي ٿي.
پي ٽي آءِ ڪراچي جي ترجمان موجب، مڪاني نمائندن جي قسم کڻڻ کان اڳ کين اغوا ڪيو پيو وڃي، پي ٽي آءِ ان معاملي تي عدالت سان رابطو ڪري چڪي آهي.
پي ٽي آءِ ڪراچي جي ترجمان جو چوڻ آهي ته ڪراچي جي ميئر جي چونڊ شفاف نموني ٿيڻ گهرجي، پ پ چور دروازي کان ميئر جي چونڊ جو رستو ٺاهيو، پيپلز پارٽي ۽ ايم ڪيو ايم نٿا چاهن ته عوامي مينڊيٽ قبول ڪيو وڃي.
واضح رهي ته پيپلز پارٽي جي قيادت ڪراچي جي ميئر جي عهدي لاءِ مرتضيٰ وهاب جي نالي جي منظوري ڏني آهي
