اڳوڻي وزيراعظم عمران خان جي آمريڪي ڪانگريس جي ميمبر ميڪسين مور واٽرز سان ٿيل ڳالهه ٻولهه جو مبينا آڊيو ليڪ سامهون اچي ويو آهي.
آمريڪي ڪانگريس جي عورت ميمبر سان ڳالهائيندي عمران خان چيو ته پاڪستان جو 99 سيڪڙو عوام مون سان گڏ آهي.
گفتگو ۾ هن تحريڪ عدم اعتماد جو سمورو ملبو اڳوڻي آرمي چيف تي اڇلائيندي چيو ته پاڪستان تاريخ جي انتهائي نازڪ دور مان گذري رهيو آهي، مون کي گوليون هنيون ويون ۽ تاريخ جو بدترين رياستي ظلم اسان تي ٿي رهيو آهي.
هن چيو ته مان چاهيان ٿو ته توهان اسان جي حق ۾ آواز اٿاريو، جيڪڏهن توهان آمريڪا کان اسان لاءِ آواز اٿاريو ته ان جا اثر پوندا.
ليڪ ٿيل آڊيو ۾ اڳوڻي وزيراعظم چيو ته اسان جي حڪومت معاشي طور تي تمام سٺو ڪم ڪري رهي آهي، پاڪستان ۾ ڪنهن به جمهوري پارٽي خلاف اهڙو ڪريڪ ڊائون ڪڏهن ناهي ٿيو.
هن ڳالهه ٻولهه ۾ چيو ته اسان رڳو قانون جي حڪمراني ۽ آئين جي بالادستي چاهيون ٿا، انساني حقن ۽ قانون جي حڪمراني لاءِ آواز اٿاريو
