پي ٽي آءِ چيئرمين عمران خان چيو آھي تھ ٻڌايو وڃي تھ ملڪ لاءِ ڀلو ٿيندو تھ ھو مائنس ون ٿيڻ لاءِ تيار آھي.
عمران خان چيو تھ کيس ٻڌايو وڃي تھ آڪٽوبر ۾ اليڪشن ٿيڻ سان ملڪ کي ڪھڙو فائدو ٿيندو.
ھن چيو تھ 14مئي تي سپريم ڪورٽ پنجاب ۽ خيبر پختون خواھھ ۾ اليڪشن ڪرائڻ جو حڪم ڏنو پر چونڊون نھ ڪرائي آئين جي ڀڃڪڙي ڪئي وئي، ڪي پي ۽ پنجاب جون نگران حڪومتون غيرآئيني ٿي ويون آھن.
ھن چيو تھ چيف جسٽس پاڪستان جي ھدايت تي حڪومت سان ڳالھيون ڪيون پر حڪومت سندن مطالبا نھ مڃيا، موجودھ حڪمرانن کي خبر آھي تھ اليڪشن ۾ کين شڪست ملندي ان ڪري ھو اليڪشن نھ پيا ڪرائين.
عمران خان جو چوڻ ھو تھ ملڪ ۾ جھنگ جو قانون آھي، پي ٽي آءِ جا ساڍا 7ھزار کان وڌيڪ ڪارڪن جيل ۾ قيد آھن، اڳواڻن ۽ ڪارڪنن جي گھرن ۾ گھڙي ڀڃ ڊاھھ ڪري عورتن کي گرفتار ڪيو پيو وڃي.
پي ٽي آءِ چيئرمين چيو تھ ھاءِ ڪورٽ مان کيس ائين گرفتار ڪيو ويو ڄڻ ھو ڪو دھشتگرد ھجي، گرفتاري بعد پر امن احتجاج ڪيو ويو پر انٽرنيٽ بند ڪري ميڊيا تي ڪنٽرول ڪيو ويو ۽ چيو ويو تھ پي ٽي آءِ ظلم ڪيو آھي
