ڀارت پاران لاھور-امرتسر بارڊر تي ٽي ڊرون ڪيرائڻ جي دعويٰ ڪئي وئي آھي.
ڀارت جي بارڊر سڪيورٽي فورس گذريل ٻن ڏينھن دوران لاھور-امرتسر انٽرنيشنل بارڊر تي ٽي ڊرون ڪيرائڻ ۽ اڍائي ڪلو گرام کان وڌيڪ ھيروئن ھٿ ڪرڻ جي دعويٰ ڪئي آھي.
بي ايس ايف الزام ھنيو آھي تھ پاڪستان ۽ ڀارتي اسمگلر منشيات ۽ ھٿيارن جي ڏي وٺ لاءِ ڊرون استعمال ڪري رھيا آھن.
بي ايس ايف جي ترجمان موجب جمعي ۽ ڇنڇر جي رات لاھور–امرتسر انٽرنيشنل بارڊر تي ٽن مختلف ھنڌن تي ٽي ڊرون ڪيرايا ويا، ڊرونز سان گڏ ھيروئن بھ ھٿ ڪئي وئي آھي.
ڀارتي اختيارين اھو بھ الزام لڳايو تھ ٽيون ڊرون پاڪستاني حدن ۾ ڪريو جنھن سبب ان جو ملبو نھ مليو آھي.
پاڪستاني اختيارين طرفان ان حوالي سان ڪو بھ بيان نھ ڏنو ويو اھي، ڀارتي اختياريون ڪجھھ عرصي کان ڊرون جھازن جي مدد سان منشيات ۽ ھٿيارن جي اسمگلنگ جي دعويٰ ڪري رھيون آھن
