قومي اسيمبليءَ ۾ 9 مئي واقعن خلاف مذمتي ٺهراءَ منظور ڪيو ويو، بچاءَ واري وزير خواجه آصف جو چوڻ آهي ته 9 مئي تي شرم جوڳا واقعا پيش آيا، اهي فوجي هنڌن نه پر پاڪستان تي حملا هئا، شرپسندن اهو ڪردار ادا ڪيو، جنهن جي اميد ڀارت کان هئي، آڊيو ليڪس جي جاچ لاءِ عدالتي ڪميشن جوڙي آهي، جنهن جو مقصد حقيقتون سامهون آڻڻ آهي، ڪمشن ۾ رڳو جج شامل آهن، جاچ ۾ سڀ اڇا ڪارا پڌرا ٿي ويندا، پي ٽي آءِ ان کي به سپريم ڪورٽ ۾ چئلينج ڪيو آهي.
قومي اسيمبلي جو اجلاس اسپيڪر راجا پرويز اشرف جي صدارت هيٺ ٿيو، جنهن دوران بچاءَ واري وزير خواجه آصف 9 مئي واقعن خلاف ٺهراءُ پيش ڪيو، جيڪو ايوان اتفاقِ راءِ سان منظور ڪري ورتو.
ٺهراءُ جي متن ۾ چيو ويو ته 9 مئي جا سمورا ڪيس موجوده قانون تحت هلندا، ان ڏينهن شرم جوڳا واقعا پيش يا، واقعن ۾ ملوث عنصرن ۽ سندن مددگارن خلاف آرمي ايڪٽ ۽ دهشتگردي ٽوڙ ايڪٽ توڙي فوجداري قانون تحت ڪارروائي ڪئي وڃي.
پاس ڪيل ٺهراءَ ۾ چيو ويو ته 9 مئي واقعن سان دنيا ۾ پاڪستان جي سڃاڻپ متاثر ٿي، ايوان هٿياربند فوج سان مڪمل طور ٻڌيءَ جو اظهار ڪري ٿو.
اجلاس کي خطاب ڪندي خواجه آصف چيو ته 9 مئي تي شرپسندن اهڙو ڪردار ادا ڪيو، جنهن جي اميد ڀارت کان هئي.
هن چيو ته شرپسند فوجي هنڌن تي حملا ڪيا، پهريون ڀيرو ميانوالي ايئر بيس تي حملو ڪيو يوو، جيڪو چوندو هو ته الله کي جان ڏيڻي آهي اهو ماڻهن کي جي ايڇ ڪيو ته حملي لاءِ چوندو رهيو.
خواجه آصف چيو ته حملي لاءِ ڪور ڪمانڊر هائوس جي چونڊ ڇو ڪئي وئي؟ پنهنجن محسنن کي ياد نه رکندڙ قومون ميسارجي وينديون آهن.
هن چيو ته عمران خان اٺن ڏينهن بعد 9 مئي واقعن جي مذمت ڪئي، چوي ٿو ته حملن ۾ ايجنسين جا ماڻهو ملوث هئا.
خواجه آصف چيو ته سائفر ذريعي حڪومت ڪيرائڻ جو راڳ آلاپيندڙ هاڻي آمريڪي ڪانگريسن ميمبرن کي منٿون ڪري رهيو آهي، انهن کي منٿون پيو ڪري جن کي ڪشمير ۾ ظلم نه نظر نه پيو اچي ۽ پنهنجي فوج خلاف ڳالهائي رهيو آهي.
بچاءَ واري وزير چيو ته آڊيو ليڪس جي جاچ لاءِ ڪميشن جوڙي وئي آهي، جنهن جي سربراهي سپريم ڪورٽ جو جج ڪري رهيو آهي، ان ۾ ڪو به پارليامينٽ ميمبر شامل ناهي، پي ٽي آءِ ان ڪميشن کي به عدالت ۾ چئلينج ڪيو آهي.
هن چيو ته ڪميشن جو ڪم حقيقتون سامهون آڻڻ آهي، جنهن ۾ اڇا ڪارا پڌرا ٿي ويندا.
خواجه آصف چيو ته ملڪ ۾ ذوالفقار علي ڀٽو کي ڦاهيءَ چاڙهيو ويو پر رياست مخالف ردعمل نه آيو، ان کانپوءِ بينظير ڀٽو جي شهادت ٿي، آصف زرداري پاڪستان کپي جو نعرو هڻي آئين جي حدن اندر اليڪشن وڙهي
