ڪنڌرا ۾ پروفيسر اجمل ساوند جي قاتلن جي گرفتاريءَ لاءِ جي ڊبليو سي پاران احتجاجي ريلي ڪڍي وئي.
جي ڊبليو سي جي مرڪزي اڳواڻ شوڪت نوناري جي اڳواڻي ۾ ايوان صحافت کان حسين چوڪ تائين ريلي ڪڍي وئي.
ريلي ۾صحافين، سياسي سماجي اڳواڻن توڙي شهرين وڏي انگ ۾ شرڪت ڪئي.
ان موقعي تي اڳواڻن جو چوڻ هو ته پوليس پروفيسر اجمل ساوند جي قاتلن جي گرفتاريءَ ۾ سنجيده ناهي.
هنن چيو ته قبائلي تڪرارن سبب قيمتي انساني جانيون ضايع ٿي رهيون آهن.
مظاهرين چيو ته جيستائين اجمل ساوند جي قاتلن کي گرفتاري ڪري سزا نه ڏني ويندي تيستائين احتجاجي تحريڪ جاري رهندي.
