فياض الحسن چوهاڻ به تحريڪ انصاف ڇڏڻ جو اعلان ڪري ڇڏيو، سندس چوڻ آهي ته عمران خان فوجي ٿاڪن تي حملن جي تربيت ڏيندو رهيو آهي، کيس سمجهايو ته جنهن حڪمت عملي تي هلي پيو اها درست ناهي، رياست سان ٽڪراءُ ۾ اچڻ سياستدانن جو ڪم ناهي.
لاهور پريس ڪلب ۾ پريس ڪانفرنس ڪندي فياض الحسن چوهاڻ چيو ته 9 مئي جو رستو روڪڻ لاءِ پارٽي قيادت وٽ ڪو به اهڙو ماڻهو نه هو جنهن عمران خان کي ٻڌايو يا سمجهايو نه هجي ته کين سياست عدم تشدد سان ڪرڻ گهرجي.
هن چيو ته هو پارٽيءَ ۾ اڪيلو شخص هو جنهن کي پارٽي ۾ پاسي تي ڪيو ويو ۽ بني گالا توڙي زمان پارڪ ۾ داخلا بند ڪئي وئي.
فياض الحسن چوهاڻ چيو ته هن عمران خان کي سمجهايو هو ته تشدد ۽ رياستي ادارن سان ٽڪراءُ واري پاليسي ڇڏيو، عمران خان سندس گرفتاريءَ تي هڪ لفظ به نه ڳالهايو، جنهن سبب تڪليف ٿي.
اڳوڻي صوبائي وزير چيو ته عمران خان فوجي ٿاڪن تي حملن جي تربيت ڏيندو رهيو آهي.
هن چيو ته بيگم صفدر جي چوڻ تي راڻا ثناءُ الله جي پوليس سندس گهر تباهه ڪيو، سندس خاندان جا چار ماڻهو گرفتار آهن،عمران خان سندس ڳالهه نه ٻڌي، جنهن جو نقصان ٿيو، 9 مئي واقعن تي کيس تمام گهڻو ڏک ٿيو.
فياض الحسن چوهاڻ چيو ته پي ٽي آءِ سان هاڻي سندس ڪو به تعلق ناهي، پر عوامي خدمت واري سياست جاري رکندو
