آءِ جي سنڌ غلام نبي ميمڻ چيو آهي ته ڪراچي ۾ اسٽريٽ ڪرائيم پراڻو مسئلو آهي، ڏوهارين کي گرفتار ڪري سخت سزا ڏني وڃي، جتي ڏوهه ٿئي اتي ايف آءِ آر داخل ٿيڻ گهرجي، لاپرواهي ڪندڙ ايس ايڇ اوز کي هٽايو ويندو، ڪچي ۾ ڌاڙيلن خلاف اثرائتي ڪارروائي ڪئي وئي، گهوٽڪي ۽ شڪارپور ۾ ڪافي بهتري آئي آهي.
سنڌ هائيڪورٽ ٻاهران ميڊيا سان غير رسمي ڳالهه ٻولهه ڪندي غلام نبي ميمڻ چيو ته سٺي ڪارڪردگي ڏيکاريندڙ آفيسرن کي انعام پڻ ڏنا ويا آهن.
هن چيو ته ڪجهه ماڻهن کي سزا ڏني وڃي ته نتيجا سٺا نڪرندا آهن، منشيات ڪيس ۾ موت جي سزا تي جاچ آفيسر کي گهٽ ۾ گهٽ 3 لک رپيا انعام ڏنو ويندو، جيڪڏهن هائيڪورٽ به سزا برقرار رکي ته جاچ آفيسر کي وڌيڪ ٻه لک رپيا ملندا.
غلام نبي ميمڻ چيو ته جرڳن بابت عدالتي حڪمن تي عمل ڪيو ويندو، جرڳن خلاف ايف آءِ آر به داخل ڪرائي وئي آهي.
آءِ جي سنڌ چيو ته ڪچي ۾ ڌاڙيلن خلاف اثرائتي ڪارروائي ڪئي وئي، گهوٽڪي ۽ شڪارپور ۾ ڪافي بهتري آئي آهي، ڪچي ۾ چوڪيون قائم ڪيون آهن
