ڀان سيد آباد ويجهو مبينا طور قتل ٿي ويل ٽيچر نورعين فاطمه جي ڪيس ۾ اهم اڳڀرائي ٿي آهي، پوليس گرفتار جوابدار محسن مهر جي نشاندهي تي واردات ۾ استعمال ٿيل پسٽل هٿ ڪري واقعي جا 2 ڌار ڌار ڪيس داخل ڪري ڇڏيا آهن، پوليس پاران ناري جي ٻئي ڀاءُ احسن مھر کي جاچ ۾ شامل ڪرڻ جو فيصلو ڪيو ويو آهي.
پوليس جوابدار محسن مهر جي نشاندهي تي ڳوٺ صالح ڀنڊ مان واردات ۾ استعمال ٿيل پسٽل هٿ ڪري ورتو آهي.
سرڪاري جي فرياد تي نورعين جي ڀاءُ محسن مهر ۽ چاچي محمد جمن مهر خلاف ڀان سيد آباد ٿاڻي تي ٻه ڌار ڌار ڪيس داخل ڪيا ويا آهن، پوليس پاران ناري جي ٻئي ڀاءُ احسن مھر کي جاچ ۾ شامل ڪرڻ جو فيصلو ڪيو ويو آهي.
پوليس جو چوڻ آهي ته واردات ۾ استعمال ٿيندڙ پسٽل جو لائسنس جوابدار محسن مهر جي چاچي محمد جمن جي نالي تي آهي.
واضح رهي ته ڪجهه ڏينهن اڳ ناري نورعين فاطمه جو گوليون لڳل لاش هٿ آيو هو .
