سيشن جج ملير جي وڪيلن سان رويي خلاف وڪيل سراپا احتجاج بڻيل آهن، وڪيلن پاران سنڌ هاءِ ڪورٽ ۾ احتجاجي مظاهرو ڪيو ويو آهي.
وڪيلن پاران چيف جسٽس جي عدالت جي ڪمري ۾ داخل ٿي احتجاجي مظاهرو ڪري نعريبازي ڪئي وئي.
وڪيلن چيف جسٽس کان مطالبو ڪيو ته سيشن جج جو وڪيلن سان رويي درست ناهي کيس بدلي ڪيو وڃي.
چيف جسٽس وڪيلن مٿان ڪاوڙ جو اظهار ڪندي چيو ته توهان عدالتي ڪم ۾ مداخلت ڪري رهيا آهيو.
چيف جسٽس چيو ته هر ماڻهو کي احتجاج ڪرڻ جو حق حاصل آهي، پر توهان جي احتجاج جو طريقو درست ناهي.
چيف جسٽس چيو ته اهو رويو درست ناهي، جيڪڏهن طريقو درست هوندو ته مان توهان جي ڳالهيون ٻڌندس.
