شهدادپور ۾ پروفيسر ڊاڪٽر اجمل ساوند جي قاتلن جي گرفتاريءَ لاءِ جي ڊبليو سي پاران احتجاجي ريلي ڪڍي ڌرڻو هنيو ويو .
جي ڊبليو سي جي مرڪزي صدر ذوالفقار خاصخيلي، مرڪزي جرنل سيڪريٽري شوڪت نوناري، شهيد اجل ساوند جي ڀاءُ ڊاڪٽر طارق، غلام مصطفيٰ سومرو، صوفي راڳي مانجهي فقير ۽ ٻين جي اڳواڻي ۾ احتجاجي ريلي ڪڍي وئي.
ان موقعي تي اڳواڻن جو چوڻ آهي ته هڪ مهينو گذرڻ باوجود پوليس شهيد اجمل ساوند جا قاتل گرفتار ناهي ڪري سگهي، جنهن مان صاف ظاهر آهي ته پوليس پروفيسر اجمل ساوند جي قاتلن جي گرفتاريءَ ۾ سنجيده ناهي.
اڳواڻن چيو ته ، سنڌ ۾ قبائلي تڪرارن سبب قيمتي انساني جانيون ضايع ٿي رهيون آهن.
هنن چيو ته سرداري نظام سنڌ جي ترقي ۾ وڏي رنڊڪ بڻيل آهي، سردار ۽ بااثر ڏوهارين مٿان هٿ رکن ٿا ۽ انهن کان غير قانوني ڪم ڪرائن ٿا.
اڳواڻن چيو ته پروفيسر اجمل ساوند جو قتل عام انسان نه پر سنڌ جي شعور جو قتل آهي ، جتي به ظلم ٿيو آهي، اتي جي ڊبليو سي مظلومن سان گڏجي سندن آواز هر فورم تي اٿاريو آهي.
