بچاءَ واري وزير خواجا آصف چيو آهي ته تحريڪ انصاف تي پابندي جو جائزو ورتو پيو وڃي، پابندي جي ڳالهه ٿي ته پارليامينٽ کان راءِ ورتي ويندي، 9 مئي جي واقعن ۾ ملوث وڳوڙين جا ڪريل مقصد هئا، حملن کان اڳ رٿابندي ڪئي وئي هئي، گرفتار جوابدارن به ٻڌايو ته حملن جي پلاننگ پهريان ڪئي وئي هئي، وڳوڙين کي اتي پهچائڻ ۾ مدد ڪئي وئي، عمران خان پاڪ فوج کي سياست لاءِ ڌر بڻايو، 9 مئي جي واقعن تي فوجي قيادت جا خدشا جائز آهن، ڀارت طرفان واقعن تي جشن ملهايو ويو.
اسلام آباد ۾ ميڊيا سان ڳالهائيندي خواجا آصف چيو ته تحريڪ انصاف تي پابندي جو جائزو ورتو پيو وڃي، 9 مئي جي واقعن ۾ ملوث وڳوڙين جا ڪريل مقصد هئا، حملن کان اڳ رٿابندي ڪئي وئي هئي.
سندس چوڻ هو ته گرفتار جوابدارن به ٻڌايو ته حملن جي پلاننگ پهريان ڪئي وئي هئي، وڳوڙين کي اتي پهچائڻ ۾ مدد ڪئي وئي.
بچاءَ واري وزير خواجا آصف چيو ته عمران خان پاڪ فوج کي سياست لاءِ ڌر بڻايو، نواز شريف سان جيڪو گذريل پنجن ورهين ۾ ٿيو هن ته حملي ڪرڻ جو نه سوچيو.
هن چيو ته عمران خان فوج کي پنهنجي مخالف تصور ڪري ورتو آهي، اڃا تائين تحريڪ انصاف تي پابندي جو فيصلو ناهي ڪيو، پابندي جي ڳالهه ٿي ته پارليامينٽ کان راءِ ورتي ويندي.
بچاءَ واري وزير خواجا آصف چيو ته 9 مئي جي واقعن تي فوجي قيادت جا خدشا جائز آهن، ڀارت طرفان واقعن تي جشن ملهايو ويو.
