ماحولياتي تبديلين واري وفاقي وزير شيري رحمان چيو آهي ته وطن جي دفاع لاءِ قربانيون ڏيندڙ شهيدن کي سموري قوم سلام پيش ڪري ٿي، شهيدن خاطر ئي ملڪ قائم آهي.
جاري ڪيل بيان ۾ شيري رحمان چيو ته شهيدن جو احترام هر شهريءَ جو قومي ۽ اخلاقي فرض آهي، 9 مئي تي جيڪو به ان جي جيتري مذمت ڪئي وڃي گهٽ آهي.
هن چيو ته 9 مئي کي ملڪي تاريخ جو ڪارو ترين ڏينهن طور ياد رکيو ويندو.
شيري رحمان چيو ته ننڍن سياسي مقصدن لاءِ جهڙو مثال قائم ڪيو ويو آهي، ان سبب سموري قوم جو ڪنڌ شرم وچان جهڪي ويو آهي، پاڪ فوج ۽ شهيدن کي به ان ڪڌي مهم ۾ نشانو بڻايو ويو.
