جناح هائوس حملي ڪيس ۾ گرفتار اڳوڻي آرمي چيف آصف نواز جنجوعا جي ڏوهٽي خديجا شاهه کي ست ڏينهن سڃاڻپ پريڊ لاءِ جيل موڪلڻ جو حڪم ڏنو ويو آهي.
جناح هائوس لاهور تي حملي ۽ ڀڃ ڊاهه واري ڪيس ۾ گرفتار پي ٽي آءِ جي اڳواڻ خديجا شاهه کي لاهور جي دهشتگردي ٽوڙ عدالت ۾ پيش ڪيو.
پوليس خديجا شاهه کي سڃاڻپ پريڊ لاءِ جيل موڪلڻ جي درخواست ڪئي.
پوليس جو چوڻ هو ته خديجا شاهه ڪيس جو جاچ آفيسر هائيڪورٽ ۾ مصروف آهي.
اي ٽي سي خديجا شاهه کي سڃاڻپ پريڊ خاطر ستن ڏينهن لاءِ جيل موڪلڻ جو حڪم ڏنو آهي.
عدالت حڪم ڏنو ته سڃاڻپ پريڊ مڪمل ٿيڻ بعد خديجا شاهه کي 30 مئي تي ٻيهر پيش ڪيو وڃي.
خديجا شاهه جو منهن ڍڪي عدالت ۾ پيش ڪيو ويو ۽ کيس مڙس سان ملاقات جي اجازت به ڏني وئي.
