بچاءَ واري وزير خواجه چيو آهي ته تحريڪ انصاف تي پابندي مڙهه تي غور ڪيو پيو وڃي، ان بابت پارليامينٽ کان راءِ ورتي ويندي، فوجي هنڌن تي حملو عمران خان جو آخري داءُ هو، 9 مئي واقعا اوچتو نه پر رٿابندي سان ٿيا، ان تي واقعن تي ڀارت ۾ جشن ملهايو ويو، هو عمران خان کي ڪو به نقصان نه پهچائي سگهيا پنهنجي قدمن سبب کيس نقصان ٿي رهيو آهي.
اسلام آباد ۾ ميڊيا سان ڳالهائيندي خواجه آصف چيو ته 9 مئي واقعن ۾ ملوث شرپسند جا ڪريل مقصد هئا، حملن کان اڳ رٿابندي ڪئي وئي.
هن چيو ته گرفتار جوابدارن به ٻڌايو ته حملن جي رٿابندي ڪئي وئي ۽ شرپسندن کي اتي پهچڻ ۾ مدد فراهم ٿي.
خواجه آصف چيو ته عمران خان فوج کي سياست لاءِ ڌر بڻايو، تحريڪ انصاف تي پابندي مڙهه تي غور ڪيو پيو وڃي، ان بابت پارليامينٽ کان راءِ ورتي ويندي، فوجي هنڌن تي حملو عمران خان جو آخري داءُ هو.
بچاءَ واري وزير چيو ته نوازشريف سان پنجن ورهين دوران جيڪو ٿيو سڀني آڏو آهي پر هنن ڪڏهن به ادارن تي حملن جو نه سوچو، عمران خان فوج کي پنهنجو مخالف تصور ڪري ورتو آهي.
خواجه آصف چيو ته 9 مئي تي فوجي قيادت جا خدشا جائز آهي، فوجي هنڌن تي حملن بعد ڀارت ۾ جشن ملهايو ويو.
بچاءَ واري وزير چيو ته افسوس ٿيندو آهي ڪيئن ماڻهو شامل ڪرايا ويا، هاڻي اهي ئي پارٽي ڇڏي وڃي رهيا آهن، مٿس عالمي اسٽيبلشمنٽ جو ڪو به دٻاءُ ناهي
