تحريڪ انصاف ڇڏيندڙ عثمان ترڪئي پيپلزپارٽيءَ ۾ شموليت ڪري ڇڏي آهي.
اڳوڻي ايم اين اي عثمان ترڪئي فيصل ڪريم ڪنڊي سان گڏ پريس ڪانفرنس ڪندي ساٿين سميت پ پ ۾ شموليت جو اعلان ڪيو.
ان موقعي تي فيصل ڪريم ڪنڊي جو چوڻ هو ته 9 مئي واقعن ۾ ملوث ماڻهن کي سزا ملڻ گهرجي، کين به شڪايتون هيون پر هنن ڪڏهن به ادارن تي حملا نه ڪيا.
هن چيو ته انقلاب لاءِ قربانيون ڏيڻيون پونديون آهن، جيل ڪاٽڻا پوندا آهن، پي ٽي آءِ وارا ٻه ڏينهن جيل برداشت نه ڪري سگهيا.
فيصل ڪريم ڪنڊي چيو ته عمران خان پنهنجي ڪارڪنن کان لاتعلق ٿي ويو آهي، کيس رڳو پنهنجي ذات ۽ گهرواريءَ جي ڳڻتي آهي.
پ پ اڳواڻ چيو ته عمران خان آمريڪا کي خوش ڪرڻ لاءِ سموري راند رچائي، ٻين جي بيماري جو مذاق اڏائيندڙ پاڻ کيسي ۾ پلستر کڻي گهمي ٿو.
پيپلزپارٽيءَ ۾ شموليت ڪندڙ عثمان ترڪئي چيو ته پ پ ۾ اچي کيس ائين پيو لڳي ته جيئن پنهنجي گهر ۾ واپسي ٿي هجي، سندس گهراڻي جو پ پ سان پراڻو تعلق آهي.
هن چيو ته هو بلاول ڀٽو زرداريءَجو ٿورائتو آهي، جنهن شموليت جي دعوت ڏني
