ڊکڻ ويجهو هٿياربند ٽريڪٽر ڊرائيور کي اغوا ڪري ويا، جڏهن ته مغوي جي بازيابي لاءِ وارثن ڌرڻو هڻي نعريبازي ڪئي.
سمندر خان گوپانگ اسٽاپ ڀرسان موٽرسائيڪل تي سوار هٿياربند ٽريڪٽر ڊرائيور امداد پٽ بابل کوسي کي اغوا ڪري ويا.
مغوي نوجوان امداد پٽ بابل کوسي جي وارثن رتوديرو –جيڪب آباد روڊ تي ڌرڻو هنيو جنهن سبب ٽريفڪ معطل ٿي وئي.
مغوي نوجوان جي پيءُ بابل کوسي چيو ته جکراڻي برادري جي هٿياربندن نوجوان کان ٽريڪٽر ڦر ڪرڻ بعد کيس اغوا ڪري ويا آهن، نبي شاهه وڳڻ ٿاڻي تي اطلاع ڏنو پر پوليس نه پهتي.
مغوي نوجوان جي وارثن ايس ايس پي شڪارپور کان مطالبو ڪيو آهي ته نوجوان امداد کوسي کي بازياب ڪرائي جوابدارن کي گرفتار ڪيو وڃي
