سپريم ڪورٽ جي چيف جسٽس عمر عطابنديال رمارڪس ڏنا آهن ته هو حڪومت نه پر الله جي رضا لاءِ وڏيون قربانيون ڏئي هتي ويٺا آهن، ماضيءَ کي حڪومت خلاف استعمال نه ڪيو ويندو.
پنجاب ۾ عام چونڊن بابت اليڪشن ڪميشن جي نظرثاني درخواست جي ٻڌڻي سپريم ڪورٽ جي چيف جسٽس عمر عطابنديال جي سربراهيءَ ۾ ٽه رڪني بئنچ ڪئي.
ٻڌڻي جي شروعات دوران اٽارني جنرل چيو ته عدالت چيو هو ته اليڪشن ڪميشن جا اٿاريل نقطا اڳ ڇو نه اٿاريا ويا؟ ٻيو نقطو هو ته وفاقي حڪومت چار ٽي جي چڪر ۾ پئجي وئي آهي.
چيف جسٽس رمارڪس ڏنا ته اوهان کي گھٻرائڻ نه گهرجي، عدالت ٻڌڻي لاءِ ويٺي آهي، ڪو اهم نقطو اٿاريو يو ته جائزو وٺي فيصلو ڪيو ويندو.
جسٽس عمر عطا بنديال چيو ته حڪومت نه پر هو الله جي رضا لاءِ ويٺا آهن، پنهنجن ساٿين کي چئو ته اسان جي دروزاي تي اهڙيو ڳالهيو نه ڪيو.
چيف جسٽس چيو ته صفايون نه ڏنيون وڃن، عدالت صاف دل سان ويٺي آهي، هر شيءِ درست رپورٽ ناهي ٿيندي، چيو ويو ته عمران خان کي عدالت مرسڊيز ڏني هئي، هو ته مرسڊيز استعمال ئي ناهي ڪندو، پوليس عمران خان لاءِ ان جو بندوبست ڪيو هو.
اليڪشن ڪميشن جي وڪيل سجيل سواتي چيو ته عدالت سدائين آئين جي تشريح زنده دستاويز طور ڪندي آهي، انصاف جو قطعي ادارو سپريم ڪورٽ آهي، ان ڪري دائرو محدود نه ٿو ڪري سگهجي، مڪمل انصاف ۽ آرٽيڪل 190 جو اختيار ٻي ڪنهن به عدالت کي ناهي.
جسٽس منيب اختر چيو ته دائري بابت اوهان جا دليل درست مڃون ته سپريم ڪورٽ جا ضابطا ڪالعدم ٿي ويندا، سپريم ڪورٽ رولز ۾ نظرثاني تي اڃا تائين ڪا به ترميم ناهي ڪئي وئي.
پي ٽي آءِ جي وڪيل علي ظفر چيو ته ڀڃ ڊاهه سبب سياسي پارٽيءَ تي پابندي نه ٿي مڙهي سگهجي.
هن چيو ته عدالت 14 مئي تي چونڊون ڪرائڻ جو حڪم ڏنو ته پر ان ڏينهن اليڪشن نه ٿي سگهي، عدالت سمورين پارٽين کي نوٽيس ڏئي ڇڏيا آهن.
جسٽس اعجاز الاحسن چيو ته آئين ۾ نظرثاني درخواست داخل ڪرڻ جو مدو به ناهي ڏنو ويو.
اليڪشن ڪميشن جي وڪيل چيو ته سوريم ڪورٽ جا ضابطا ٺاهيندڙن کي دائرو آئيني ڪيسن ۾ محدود ناهي رهيو، وقت سان گڏ قانون تبديل ٿيندو رهندو آهي.
عدالت ڪيس جي ٻڌڻي منجهند ٻارهين وڳي تائين ملتوي ڪري ڇڏي.
