گمبٽ ۾ جي ڊبليو سي پاران پروفيسر ڊاڪٽر اجمل ساوند جي قاتلن جي گرفتاريءَ لاءِ احتجاجي ريلي ڪڍي ڌرڻو هنيو ويو.
جي ڊبليو سي جي اڳواڻ شوڪت نوناري ۽ ٻين جي اڳواڻيءَ ۾ پريس ڪلب کان ڦول باغ تائين احتجاجي ريلي ڪڍي ڌرڻو هڻي نعريبازي ڪئي وئي.
احتجاجي ڌرڻي ۾ سول سوسائٽي، صحافين، شاعرن، اديبن ۽ ٻين وڏي انگ ۾ شرڪت ڪئي.
ان موقعي تي اڳواڻن چيو ته سرداري نظام سنڌ جي امن کي تباهه ڪري ڇڏيو آهي، سندن سياست لاشن تي آهي.
هنن چيو ته پروفيسر ڊاڪٽر اجمل ساوند جهڙن ڪردارن کي قتل ڪرائڻ سنڌ جي تعليم تباهه ڪرڻ جي سازش آهي.
سندن چوڻ هو ته پنجاهه ڏينهن گذرڻ باوجود ڪشمور پوليس اڃا تائين ڊاڪٽر اجمل ساوند جي قاتلن کي گرفتار ناهي ڪري سگهي پوليس بااثرن اڳيان بيوس بڻيل آهي.
اڳواڻن چيو ته شهيد اجمل ساوند جي قاتلن جي گرفتاريءَ کان کين سزا ڏيارڻ تائين سندن احتجاج جاري رهندو.
