سنڌ سميت سموري ملڪ ۾ شهيدن جي عظمت جو ڏهاڙو ملهايو پيو وڃي.
شهيدن جي عظمت جي ڏهاڙي جي شروعات فجر جي نماز بعد قرآن خواني سان ٿي ۽ ملڪ جي سلامتي ۽ امن امان لاءِ دعائون گهريون ويون.
ملڪ جي ڌرتيءَ جي حفاظت خاطر جان قربان ڪندڙن لاءِ خاص دعائون به گهريون ويون.
عالمن سڳورن چيو ته آزاد فضائن ۾ سک جو ساهه کڻڻ وطن جي شهيدن جي قربانين جو نتيجو آهي شهيدن جو سندن تي قرض آهي، اڄ اتحاد ۽ اتفاق سان وڇوٽيون ختم ڪرڻ جي ضرورت آهي.
پاڪ فوج جي دستي ڪيپٽن سليمان شهيد جي قبر تي گارڊ آف آنر پيش ڪيو ۽ گلن جي چادر چاڙهي.
شهرين جو چوڻ آهي ته شهيد سندن جو فخر آهن ۽ سندن عزت ۾ ڪڏهن به گهٽتائي نه اچڻ ڏيندا.
شهيدن جي عظمت جي ڏهاڙي تي ڪيپٽن ڪرنل شير خان جي آخري آرامگاهه تي خاص تقريب ڪوٺائي وئي.
ڪور ڪمانڊر پشاور عظيم قرباني جي اعتراف ۾ ڪيپٽن ڪرنل شير خان جي آخري آرامگاهه تي گل رکي فاتحه خواني ڪئي.
ڪور ڪمانڊر پشاور شهيد جي وارثن سان ملاقات ڪري سندس قبربانين ۽ حوصلي کي ڀيٽا پيش ڪئيئ
تقريب ۾ شهيدن جي گهرڀاتين، اعليٰ فوجي ۽ سول اختيارين، سول سوسائٽي جي نمائندن، مختلف اسڪولن جي شاگردن ۽ ٻين شرڪت ڪئي.
ملتان ريجن ۾ شهيدن جي قبرن تي پاڪ فوج جي دستي طرفان گارڊ آف آنر پيش ڪيو ويو.
ان موقعي تي ڪيپٽن عاطف حسن شهيد، حوالدار خرم شهيد ۽ لانس نائيڪ عبدالحڪيم شهيد جا وارث ۽ شهري به موجود هئا.
شهرين چيو ته شهيد سندن جو فخر آهن، سندن عزت ۾ ڪڏهن به گهٽتائي نه ٿيڻ ڏيندا.
گجرات ۾ شهيدن جي عظمت جي ڏهاڙي جي تقريب ميجر عزيز ڀٽي شهيد جي آخري آرمگاهه تي ٿي.
ان موقعي تي ڊپٽي ڪمشنر صفدر چيو ته شهيد سندن فخر آهن.
ڊيرا غازي خان پوليس لائن ۾ شهيدن جي عظمت جي ڏهاڙي جي حوالي سان تقريب ڪوٺائي وئي، جنهن ۾ پاڪ فوج ۽ پوليس سميت سول انتظاميه جي آفيسرن شرڪت ڪئي.
تقريب ۾ شهيدن، ملڪ ۽ قوم لاءِ دعائون گهريون ويون.
چنيوٽ ۾ شهيدن جي عظمت جي ڏهاڙي تي شهيدن جي يادگار تي پوليس جي دستن سلامي ڏني.
ان موقعي تي ڊي پي او چيو ته هو اڄوڪي ڏهاڙي تي پاڪستان جي شهيدن جي عظيم قربانين کي ڀيٽا پيش ڪري ٿو.
فيصل آباد جي زرعي يونيورسٽي ۾ مک تقريب ٿي جنهن ۾ شهيدن جي وارثن، ضلعي انتظاميا، پوليس ۽ سول سوسائٽي جي ماڻهن شرڪت ڪئي.
تقريب ۾ شرڪت ڪندڙن، ملڪ جو بچاءَ ڪندي پنهنجي جانين جو نظرانو پيش ڪندڙن کي ڀيٽا پيش ڪئي.
گوجرانوالا جي پوليس لائن ۾ به شهيدن جي عظمت جي ڏهاڙي تي تقريب ٿي جنهن ۾ ڪور ڪمانڊر گوجرانوالا ليفٽيننٽ جنرل محمد عامر ۽ آءِ جي پنجاب عثمان انور شرڪت ڪئي ۽ ٻنهي آفيسرن شهيدن جي يادگار تي گل رکي شهيدن جي بلند درجن ۽ ملڪي سلامتي لاءِ دعا ڪئي.
ڪوئيٽا ۾ شهيدن جي عظمت جي ڏهاڙي جي موقعي تي سينٽرل پوليس آفيس ۾ تقريب ڪوٺائي وئي.
تقريب ۾ ڪور ڪمانڊر ليفٽيننٽ جنرل آصف غفور، بلوچستان جي وڏي وزير، صوبائي گهرو وزير، آءِ جي پوليس ۽ ٻين شرڪت ڪئي.
ڪور ڪمانڊر، وڏي وزير ۽ آءِ جي شهيدن جي ڏهاڙي تي گل رکيا.
ديامر ۾ به پاڪستان جي شهيدن جي عظمت جو ڏهاڙو ملهايو پيو وڃي.
مک تقريب هاءِ اسڪول ۽ پوليس لائين ۾ ڪوٺائي وئي، جڏهن ته شهيدن جي ايصال ثواب لاءِ قرآن خواني ۽ دعائن جو سلسلو جاري آهي.
