9 مئي تي ڪور ڪمانڊر هائوس تي حملو ڪندڙ شرپسندن خلاف فوجي عدالت ۾ ڪارروائي جي شروعات ڪئي وئي آهي.
لاهور جي دهشتگردي ٽوڙ عدالت پي ٽي آءِ چيئرمين عمران خان جي گرفتاريءَ بعد پرتشدد واقعن ۾ ملوث سورهن شرپسندن کي فوج حوالي ڪرڻ جو حڪم ڏنو آهي.
شرپسند فوج حوالي ڪرڻ بعد سندن خلاف فوجي عدالتن ۾ ڪارروائي شروع ٿيندي.
جناح هائوس ۾ ڀڃ ڊاهه ۽ باهه ڏيڻ واري ڪيس ۾ ملٽري ايڪٽ تحت ڪارروائي لاءِ ڪمانڊنگ آفيسر سورهن شرپسندن جي لسٽ طلب ڪئي آهي، جنهن کي دهشتگردي ٽوڙ عدالت منظور ڪندي شرپسندن کي فوج حوالي ڪرڻ جو حڪم ڏنو.
عدالت اڳوڻي ايم پي اي ميان اڪرم عثمان سميت سورهن جوابدارن کي ڪمانڊنگ آفيسر حوالي ڪرڻ جو حڪم ڏنو.
ڪمانڊنگ آفيسر موجب جوابدار آفيشل سيڪريٽ ايڪٽ جي سيڪشن 3-7 ۽ 9 تحت ڏوهي ثابت ٿيا آهن، عدالتي فيصلي ۾ چيو ويو ته جوابدارن خلاف آرمي ايڪٽ 1952ع تحت ٽرائل ٿي سگهي ٿو.
عدالتي فيصلي موجب پراسيڪيوشن ڪمانڊر ڪمانڊر جي درخواست تي اعتراض نه ڪيو ۽ عدالت حڪم ڏنو ته سپريڊنٽ ڪيمپ جيل سورهن جوابدارن کي وڌيڪ ڪارروائي لاءِ ڪمانڊر آفيسر خلاف حوالي ڪري.
ذريعن موجب جوابدارن ۾ عمار زوهيب، علي افتخار، علي رضا، محمد ارسلان، محمد عمير، محمد رحيم، ضياءُ الرحمان، وقاص علي، رئيس احمد، فيصل ارشد، محمد بلال، فهيم حيدر، ارضم جنيد، ميان محمد اڪرام عثمان، محمد حاشر خان ۽ حسن شاڪر شامل آهن.
