آرمي چيف جنرل عاصم منير چيو آهي ته 9 مئي واقعن جي ذميوارن کي قوم نه معاف ڪندي نه ئي وساريندي.
ڊي جي آءِ ايس پي آر طرفان جاري ڪيل بيان ۾ چيو ويو ته شهيدن جي عظمت واري ڏهاڙي جي موقعي تي آرمي چيف جنرل عاصم منير پوليس لائن اسلام آباد جو دورو ڪيو.
ان موقعي تي پوليس جي آفيسرن، جوانن ۽ شهيدن جي وارثن کي خطاب ڪندي آرمي چيف چيو ته 9 مئي تي جيڪو ڪجهه ٿيو، اهو انتهائي افسوس ۽ مذمت جوڳو آهي.
هن چيو ته شهيدن جي يادگارن جي بي حرمتي ۽ سندن وقار مجروح ڪندڙن کي قوم ڪڏهن به نه معاف ڪندي نه ئي وساريندي.
آرمي چيف چيو ته اهڙي عمل کي ڪنهن به صورت برداشت نه ڪيو ويندو، شهيدن کي الله عزت ڏني، انهن جي قربانين کي ڪو به ضايع نه ٿو ڪري سگهي.
جنرل عاصم منير چيو ته پاڪ فوج، پوليس ۽ قانون لاڳو ڪندڙ ادارا رياست جي علامت ۽لوهي ڀت ڪيا آهن، جيڪي ملڪ ۽ قوم جي وقار خاطر ڪنهن به قربانيءَ کان ناهن ڪيٻائيندا.
آرمي چيف چيو ته شهيدن جي وارثن کي هو پيغام ڏيڻ چاهي ٿو ته عوام ۽ پاڪ فوج سمورن قانون لاڳو ڪندڙ ادارن جي شهيدن جي وارثن سان گڏ بڻيل آهن ۽ سدائين رهندا.
پوليس لائن آمد اسلام آباد پوليس جي آءِ جي ڊاڪٽر اڪبر ناصر خان آرمي چيف جي آجيان ڪئي.
