وزيراعظم شهباز شريف چيو آهي ته والاريل ڪشمير ننڍي کنڊ جي هڪ اڻپوري ايجنڊا آهي، ڪشمير کي پنهنجو حصو بڻائڻ واري ڀارتي ڪوشش ناڪام ٿيندي، هر پاڪستاني جي دل ڪشميري ڀائرن لاءِ ڌڙڪي رهي آهي.
وزيراعظم شهباز شريف سان پرڏيهي وزير بلاول ڀٽو زرداري ملاقات ڪئي.
ملاقات دوران ملڪ جي موجوده ۽ سياسي صورتحال تي ڳالهيون ڪيون ويون.
ملاقات دوران وزيراعظم شهباز شريف ڪشمير جي حوالي سان پرڏيهي وزير بلاول جي ڪوششن جي واکاڻ ڪئي.
وزيراعظم شهباز شريف، پرڏيهي وزير بلاول جي آزاد ڪشمير جي قانون ساز اسيمبلي ۾ خطاب جي به ساراهه ڪئي.
شهباز شريف جو چوڻ هو ته والاريل ڪشمير ننڍي کنڊ جي هڪ اڻپوري ايجنڊا آهي، ڪشمير کي پنهنجو حصو بڻائڻ واري ڀارتي ڪوشش ناڪام ٿيندي، هر پاڪستاني جي دل ڪشميري ڀائرن لاءِ ڌڙڪي رهي آهي.
