ڪراچي جي علائقي قائد آباد ۾ گھر مان عورت ۽ سندس پٽ جو لاش مليو آهي، پوليس واقعي بابت جاچ شروع ڪري ڇڏي.
پوليس جو چوڻ آهي ته گوشت مارڪيٽ واري علائقي ۾ گھر مان عدت ۾ ويٺل 33 ورهين جي فائزه جو ڳلو ڪپيل جڏهن ته ڏيڍ ورهين جي ذوحان جو مڙهه پاڻي جي ٽانڪي مان هٿ آيو.
ايس ايس پي ملير حسن سردار نيازي جو چوڻ آهي ته عورت کي تيز ڌار واري اوزار سان قتل ڪيو ويو آهي جڏهن ته سندس پٽ کي پاڻي ۾ ٻوڙي ماريو ويو آهي.
ايس ايس پي ملير موجب، مقتولا فائزه جو مڙس 4 مهينا اڳ وفات ڪري ويو هو ۽ هوءَ عدت ۾ ويٺل هئي.
هن وڌيڪ ٻڌايو ته گهر مان ڦر جون ڪي به شاهديون ناهن مليون، شروعاتي طور تي واقعو ذاتي دشمني جو نتيجو لڳي رهيو آهي، وڌيڪ جاچ ڪئي پئي وڃي، جلد جوابدارن کي گرفتار ڪري قانون جي ڪٽهڙي ۾ آندو ويندو.
