سپريم ڪورٽ جي لارجر بينچ آڊيو ليڪس ڪميشن خلاف داخل درخواستن جي ٻڌڻي اڄ ڪندي.
چيف جسٽس جي سربراهي ۾ بينچ ۾ جسٽس اعجاز الاحسن، جسٽس منيب اختر، جسٽس شاهد وحيد ۽ جسٽس حسن اظهر رضوي شامل آهن.
سپريم ڪورٽ بار جي صدر عابد زبيري ۽ ٻين آڊيو ليڪس ڪميشن جي طلبي نوٽيس کي چئلينج ڪندي سپريم ڪورٽ کي استدعا ڪئي هئي ته آڊيو ليڪس انڪوائري ڪميشن جي ڪارروائي ۽ حڪمن کي غير آئيني ۽ غير قانوني قرار ڏنو وڃي.
هوڏانهن آڊيو ليڪس ڪميشن مبينا آڊيوز ۾ ملوث 4 ڄڻن عابد زبيري، خواجه طارق رحيم ايڊووڪيٽ، صحافي عبدالقيوم صديقي ۽ اڳوڻي چيف جسٽس ثاقب نثار جي پٽ نجم ثاقب کي سڀاڻي طلب ڪري ورتو آهي.
واضح رهي ته آڊيو ليڪس جي معاملي جي جاچ لاءِ حڪومت پاران قائم ڪيل ڪميشن جو سربراهه جسٽس قاضي فائز عيسيٰ آهي، جڏهن ته بلوچستان هاءِ ڪورٽ جو چيف جسٽس نعيم اختر ۽ اسلام آباد هاءِ ڪورٽ جو چيف جسٽس عامر فاروق به ميمبرن ۾ شامل آهن.
