مديجي ۾ نورعين فاطمه جي مبينا قتل جي الزام ۾ سندس ڀاءُ محسن مهر جي گرفتاريءَ خلاف احتجاجي ريلي ڪڍي وئي آهي.
درگاهه جهوڪ شريف جي فقرا پاران عبدالجبار ڀٽو، فضل الله سومرو، فقير ولي الله ۽ ٻين بس اسٽينڊ کان پريس ڪلب تائين احتجاجي ريلي ڪڍي نعريبازي ڪئي.
احتجاجي ريلي کي خطاب ڪندي اڳواڻن چيو ته پوليس محسن مهر کي بنا جواز گرفتار ڪري سندس ڀيڻ جي قتل ۾ ملوث قرار ڏنو آهي جيڪا سراسر ناانصافي آهي.
هنن چيو ته پوليس نورعين فاطمه جي وارثن کي انصاف ڏيڻ بدران سندس ڀاءُ کي گرفتار ڪري زبردستي بيان ورتو، جيڪو قانون کان مٿانهون عمل آهي.
سندن چوڻ هو ته نورعين قتل ڪيس جي جاچ ۾ سندس مڙس منصور سومرو کي شامل به ڪيو وڃي جيئن اصل قاتل وائکا ٿي سگهن.
احتجاج ڪندڙن اعليٰ اختيارين کان مطالبو ٿا ڪيو ته نورعين جي قاتلن کي گرفتار ڪري عبرتناڪ سزا ڏياري محسن مهر کي انصاف فراهم ڪيو وڃي.
