وزيراعظم شهباز شريف چيو آهي ته پاڪستان ۾ سيڙپڪاري جا بهترين موقعا آهن، مسئلن باوجود ملڪي ٽيڪسٽائل انڊسٽري ترقي ڪري رهي آهي، ملڪي شيون ٻاهر موڪلڻ ۾ 60 سيڪڙو ٽيڪسٽائل جو آهي، ٽيڪسٽائيل شعبي جي بهتري ڪاروباري ماڻهن جي سخت محنت جو نتيجو آهي.
وزيراعظم شهباز شريف هڪ ڏينهن جي دوري تي ڪراچي پهچي ويو.
وزيراعظم شهباز شريف ٽيڪسٽائل ايڪسپو جو افتتاح ڪري ڇڏيو.
وزيراعظم شهباز شريف تقريب کي خطاب ڪندي چيو ته ٽيڪسٽائل جو شعبو ملڪي معيشيت ۾ ڪرنگهي واري هڏي جي حيثيت رکي ٿو، پاڪستان ۾ سيڙپڪاري جا بهترين موقعا آهن، مسئلن باوجود ملڪي ٽيڪسٽائل انڊسٽري ترقي ڪري رهي آهي.
سندس چوڻ هو ته ٽيڪسٽائيل شعبي جي بهتري ڪاروباري ماڻهن جي سخت محنت جو نتيجو آهي، وڏي انگ ۾ پرڏيهي سيڙپڪار ايڪسپو ۾ شريڪ آهن.
وزيراعظم شهباز شريف چيو ته ايندڙ هفتي پري بجيٽ گڏجاڻيون شروع ٿي رهيون آهن، ملڪي شيون ٻاهر موڪلڻ ۾ 60 سيڪڙو ٽيڪسٽائل جو آهي، واپارين کي شيون ٻاهر اماڻڻ جي اضافي لاءِ جيڪا مدد گهربل هوندي فراهم ڪئي ويندي.
شهباز شريف چيو ته نرالا آئيڊياز ڏيندڙن جي آجيان ڪئي ويندي، ٽيڪسٽائل ايڪسپو ڪوٺائڻ تي انتظاميا کي مبارڪ پيش ڪريان ٿو، پرڏيهي سيڙپڪارن کي بهترين ماحول ۽ سازگار ماحول فراهم ڪيو ويندو.
