صحافين، ليکڪن ۽ سول سوسائٽيءَ جي تنظيم جي ڊبليو سي، پروفيسر اجمل ساوند جي قتل ۽ قبيلائي جهيڙن جي خاتمي سميت ڪنڌڪوٽ مان اغوا ٿيل ثمرت ڪمار جي بازيابيءَ لاءِ سڀاڻي کان احتجاجي مظاهرن جو اعلان ڪري ڇڏيو.
جي ڊبليو سي جي مرڪزي صدر ذوالفقار خاصخيلي، مرڪزي جنرل سيڪريٽري شوڪت نوناري، ظفر ابڙي ۽ ٻين چيو ته سنڌ ۾ ظلم ۽ زيادتي ۾ غير معمولي اضافي سبب عام ماڻهو سخت پريشان آهي.
هنن چيو ته جي ڊبليو سي طرفان پروفيسر اجمل ساوند جي قتل ۽ قبيلائي جهيڙن جي خاتمي سميت ڪنڌڪوٽ مان اغوا ٿيل ثمرت ڪمار جي بازيابيءَ لاءِ سڀاڻي کان احتجاجي مظاهرا ڪيا ويندا.
اڳواڻن چيو ته احتجاجي مظاهرن جي سلسلي ۾ سڀاڻي نوشهرو فيروز، سومر تي سڪرنڊ، خميس تي دادو ۽ ڇنڇر تي دوڙ ۾ احتجاجي مظاهرا ڪيا ويندا.
