ملڪ جي ترقي ۽ خوشحالي جو راز متحد هجڻ ۾ آهي : شهباز شريف

وزيراعظم شهباز شريف چيو آهي ته ملڪ جي ترقي ۽ خوشحالي جو راز متحد هجڻ ۾ آهي، گذريل هڪ سال کان چئلينجن جو گڏيل مشوري سان مقابلو ڪيو آهي.

ڪراچي ۾ ڪي فور منصوبن جي تقريب کي خطاب ڪندي وزيراعظم شهباز شريف چيو ته 9مئي پاڪستان جي تاريخ جو ڪارو ڏينهن آهي،  عمران نيازي جي  جٿن فوجي ٿاڪن تي حملا ڪيا ۽ شهيدن يادگار جي بي حرمتي ڪئي وئي.

هن چيو ته ڪجهه عنصرن ملڪ ۾ ڏڦيڙ پکيڙڻ  جي ڪوشش ڪئي، هو سڀ گڏجي ملڪ جا  مسئلا حل ڪندا.

وزيراعظم شهباز شريف چيو ته سمورن مسئلن کي شڪست ڏئي پاڪستان کي وڃايل هنڌ واپس ڏياريو ويندو