پرڏيهي وزير بلاول ڀٽو زرداري چيو آهي ته وزيراعظم کي ڪراچي ۾ ڏسي خوشي ٿي آهي، سنڌ سميت ملڪي عوام جون وزيراعظم مان اميدون آهن، سڀني کي گڏجي ملڪ جا مسئلا حل ڪرڻا آهن.
ڪراچي ۾ ترقيب کي خطاب ڪندي بلاول ڀٽو زرداري چيو ته ڪراچي کي هن وقت شهباز اسپيڊ جي ضرورت آهي.
هن چيو ته ڪراچي معاشي حب آهي، ان تي ڌيان ڏيڻ سان آءِ ايم ايف کان ڇوٽڪارو ملي سگهي ٿو.
سندس چوڻ هو ته گذريل سال ملڪ ٻوڏ جهڙي مشڪلات کي منهن ڏنو، ٻوڏ جي تباهي باوجود سنڌ جي هارين ڪڻڪ جو فصل تيار ڪيو، ٻوڏ متاثر علائقن ۾ ماڻهو اڃا به ڏکيائن جو شڪار آهن.
پرڏيهي وزير بلاول ڀٽو زرداري چيو ته برساتن سبب ڪراچي جي انفراسٽرڪچر کي نقصان پهتو.
