سنڌ حڪومت ٽنڊي ڄام ۾ صوبي جي پهرين بائيو فرٽيلائيزر ليبارٽري قائم ڪري ڇڏي آهي.
زراعت کاتي جو چوڻ آهي ته ليبارٽري ۾ هارين کي تربيت ڏني ويندي ۽ بائيو فرٽيلائيرز سان زمين کي به فائدو ٿيندو.
زراعت کاتي موجب، زرعي زمينن کي ڪيميڪل واري ڀاڻ سبب نقصان پهچي رهيو آهي ان جا اثر گهٽائڻ لاءِ بائيو فرٽيلائيزر طرف وڃڻو پوندو.
زراعت کاتي جي ترجمان جو چوڻ آهي ته زرعي سائنسدان ۽ زراعت کاتي جي ريسرچ ونگ هارين کي آگاهي ڏيندا، بائيو فرٽيلائيزر زرعي زمين کي ڏيڻ سان ان جا اثر چئن سالن تائين رهندا.
زراعت کاتي جي ترجمان موجب، بائيو فرٽيلائيزر جي استعمال سان موسمياتي تبديلي تي به ڪنٽرول ٿي سگهندو.
ذريعن جو چوڻ آهي ته ڪيميڪل فرٽيلائيزر جي استعمال سان انساني صحت سان گڏ مختلف فصلن کي تمام گهڻو نقصان پهچي رهيو آهي
