وڏي وزير سيد مراد علي شاهه چيو آهي ته ڪي فور رٿا ذريعي صنعتن جي پاڻي جي گهرج پوري ٿيڻ سان پاڪستان ترقي ڪندو.
ڪي فور رٿا جي پيڙهه جو پٿر رکڻ واري تقريب کي خطاب ڪندي وڏي وزير چيو ته وفاقي ۽ صوبائي حڪومتون رٿا کي وقت سر مڪمل ڪرڻ کي اهميت ڏئي رهيون آهن.
هن چيو ته ڪي فور سان ڪراچي کي پهرين مرحلي ۾ روزانو 260 ملين گيلن پاڻي جي سپلاءِ ملندي، ڪراچي جي روزانو طلب 12 سئو ملين گيلن آهي.
وڏي وزير چيو ته 260 ايم جي ڊڪي صلاحيت سان ڪي فور فيز ون کي واپڊا ذريعي 2025ع ۾ مڪمل ڪيو ويندو، ڪي فور منصوبي جي اهم سرگرمين بابت رقم جا مسئلا آڏو آهن.
سيد مراد علي شاهه چيو ته ڪي فور تڏهن مڪمل ٿيندو، جڏهن سمورن اسٽيڪ هولڊرن طرفان فنڊن جي رواني يقيني بڻائيندي ويندي، وفاقي حڪومت پي ايس ڊي پي ذريعي 113 ارب رپيا فراهم ڪيا آهن.
وڏي وزير چيو ته خدشو ظاهر ڪيو پيو وڃي ته رٿا ۾ دير سان لاڳت ۾ به اضافو ٿي سهگي ٿو، ڪي فور ڪراچي لاءِ وڏو رليف آڻيندو.
سيد مراد علي شاهه چيو ته وفاقي حڪومت نئين مالي سال جي مدد ۾ انهن ٻن پلانٽن لاءِ فنڊ جاري ڪري، وزيراعظم کي درخواست آهي ته پلاننگ ڊويزن کي خاص هدايتون جاري ڪيون وڃن
