سنڌ جي مختلف شهرن ۾ ارڙيءَ جي بيماري وگهي 3ٻارڙا فوت ٿي ويا.
مبارڪ پور ويجهو ارڙيءَ وگهي ٽن ورهين جو ٻارڙو فوت ٿي ويو آهي.
ڳوٺ ميهار خان شر جو رهواسي ٽن ورهين جو محمد سلمان چاچڙ پٽ خانزادو چاچڙ ارڙيءَ جي بيماري سبب دم ڌڻي حوالي ڪيو.
رتيديري ويجهو ڳوٺ پير بهار شاھه ۾ اڍائي ورهين جو مدثر علي پٽ ارشاد لاشاري ارڙي وگهي فوت ٿي ويو جڏهن ته طوطل لاشاري، ميزان لاشاري ۽ انصاره خاتون بيماري ۾ مبتلا آهن.
ڳوٺ علي بيگ ڪوڏراڻي ۾ ارڙي وگهي پنجن ورهين جي رضوانه ڌيءُ صاحب خان لاشاري فوت ٿي وئي.
ارڙي ۾ مبتلا ٻارڙن جي والدين جو چوڻ آهي ته سندن ڪيترائي ٻارڙا ارڙي ۾ مبتلا ٿي ويا آهن، تعلقي اسپتال ۾ بيمار ٻارڙن جو بهتر علاج نه پيو ٿئي جڏهن ته صحت کاتي لاڙڪاڻي ڪو تحرڪ نه ورتو آهي
