حرن جي روحاني پيشوا ۽ فنڪشنل ليگ جي سربراهه پير پاڳاري چيو آهي ته پاڪ فوج ملڪ جي سالميت ۽ استحڪام جي علامت آهي هر محبِ وطن پاڪستاني پنهنجي فوج سان ڪلهو ڪلهي ۾ ملائي بيٺل آهي.
راجا هائوس ڪراچي ۾ مختلف علائقن مان آيل معززين ۽ سياسي شخصيتن سان ڳالهائيندي پير پاڳاري چيو ته هـُو پاڪستان جي فوج کي فيڊريشن جي واحد علامت تصور ڪندا آهن.
سندس چوڻ هو ته هٿياربند فوج زلزلي، ٻوڏ ۽ ٻين ڏکئي گھڙين ۾ شاندار خدمتون انجام ڏنيون.
هن چيو ته پنهنجي هٿياربند فوج جي ڪري عوام سڪون جي ننڊ سمهي ٿو، آفيسر ۽ جوان پنهنجي جانين جي پرواهه به ناهن ڪندا.
پير پاڳاري وڌيڪ چيو ته ملڪ مان دهشتگردي جي خاتمي لاءِ به فوج تاريخي ڪردار واکاڻ جوڳو آهي.
