پ پ جي سينيئر اڳواڻ منظور وساڻ پي ٽي آءِ ٽٽڻ ۽ ملڪ ۾ نئين پارٽين جي قيام بابت اڳڪٿي ڪري ڇڏي آهي.
جاري ڪيل بيان ۾ وڏي وزير جي خاص مددگار منظور وساڻ جو چوڻ آهي ته هاڻي معافي جو وقت گذري ويو، عمران خان کي مصيبت ۾ ڏسي رهيو آهيان.
هن چيو ته تحريڪ انصاف ٽٽندي ۽ ملڪ ۾ نيون پارٽيون وجود ۾ ايندي ڏسي رهيو آهيان.
منظور وساڻ جو چوڻ هو ته عمران خان سان هاڻي عوامي توڙي قيادت سطح تي ڪوبه گڏ نه هوندو، نئين پارٽين جي قيادت ٻيا ڪندا.
سندس چوڻ هو ته پي ٽي آءِ ڇڏڻ وارا ق ليگ، پ پ، ن ليگ ۽ ڪجهه نئين پارٽين ۾ شامل ٿيندا.
پيپلز پارٽي جي اڳواڻ جو چوڻ هو ته عمران خان بابت هن جون ڪيل اڳڪٿيون سچ ثابت ٿي رهيون آهن.
منظور وساڻ جو چوڻ هو ته عمران خان ٻاهر وڃڻ جي ڪوشش ڪندو پر کيس وڃڻ نه ڏنو ويندو، عمران خان عالمي سازش تحت راند کيڏي رهيو هو جيڪا پڪڙي وئي آهي.
