سنڌ جي مختلف علائقن ۾ ڌار ڌار روڊ حادثن ۾ ٽن سڳن ڀائرن سميت 4 ڄڻا فوت ۽ هڪ زخمي ٿي پيو.
سڪرنڊ ويجهو ٽرڪ جو موٽرسائيڪل کي ٽڪر لڳڻ سبب ٽي سڳا ڀائر ڀائر فوت ۽ هڪ زخمي ٿي پيو.
سرهاڙي روڊ تي حادثي ۾ شمن خاصخيلي، گلشير ۽ منور فوت ٿي ويا، جڏهن ته آصف خاصخيلي زخمي ٿي پيو.
اطلاع تي پوليس حادثي واري هنڌ پهچي لاش ۽ زخمي کي کڻائي اسپتال منتقل ڪيو، جتان ضروري ڪارروائي بعد مڙهه وارثن حوالي ڪيا ويا.
فوتي ڀائرن جا لاش گهر پهچائڻ تي گهر ڀاتين ۾ ڪهرام مچي ويو.
ڪنب ويجهو راڻيپور شگر ملز وٽ ٽريڪٽر ٽرالي تان ڪرڻ سبب ڊرائيور فوت ٿي ويو.
حادثي ۾ ٽريڪٽر ڊرائيور شير علي مهراڻي فوت ٿي ويو.
موقعي تي موجود ماڻهن لاش کڻائي اسپتال منتقل ڪيو، جتان ضروري ڪارروائي بعد مڙهه وارثن حوالي ڪيو ويو
