پاڪستان پيپلزپارٽي جو وفد اڄ چيف اليڪشن ڪمشنر سان ملاقات ڪري تڪ بندين ۽ ليول پلئينگ فيلڊ جي حوالي سان پنهنجي خدشن کان آگاهه ڪندو.
اسلام آباد ۾ سنڌ ٽي وي نيوز سان ڳالهائيندي پ پ اڳواڻ فيصل ڪريم ڪنڊي چيو ته پاڪستان پيپلزپارٽي جو وفد اڄ چيف اليڪشن ڪمشنر سان ملاقات ڪندو، وفد ۾ چئني صوبن جا نمائندا شامل هوندا.
هن چيو ته وفد ۾ سنڌ مان تاج حيدر، سعيد غني، ناصر شاهه ۽ ضياءُ الحسن لنجار شامل هوندا، جڏهن ته پنجاب مان قمر زمان ڪائره، حسن مرتضيٰ، عبدالقادر شاهين ۽ موسيٰ گيلاني شامل هوندا.
سندس چوڻ هو ته پ پ جي وفد ۾ ڪي پي مان فيصل ڪريم ڪنڊي، شجاع خان ۽ بلوچستان مان چنگيز خان جمالي ۽ روزي خان ڪاڪڙ شامل آهن.
پ پ اڳواڻ فيصل ڪريم ڪنڊي جو چوڻ هو ته پ پ طرفان عام چونڊن ۽ ليول پلئينگ فيلڊ جي حوالي سان چيف اليڪشن ڪمشنر کي پنهنجي موقف بابت آگاهه ڪيو ويندو.