گڏيل قومن جي سيڪريٽري جنرل انتونيو گوتريس چيو آهي ته کيس افسوس آهي ته سلامتي ڪائونسل غزا پتي ۾ جنگبندي جو مطالبو ڪرڻ ۾ ناڪام وئي آهي.
قطر جي دوحا فورم کي خطاب ڪندي گڏيل قومن جي سيڪريٽري جنرل انتونيو گوتريس سلامتي ڪائونسل ۾ ڌڙابندي جي مذمت ڪئي جنهن عالمي اداري کي مفلوج ڪري ڇڏيو آهي.
سندس چوڻ هو ته سلامتي ڪائونسل جيواسٽرٽيجڪ ورهاست جي ڪري مفلوج بڻجي چڪو آهي، جنهن جي نتيجي ۾ 7 آڪتوبر کان جاري غزا جنگ جي روڪٿام جو حل ڪڍڻ ڏکيو آهي.
هن چيو ته سلامتي ڪائونسل ۾ جنگبندي جو ٺهراءُ ناڪام ٿيڻ تي افسوس آهي، هو فلسطيني عوام سان واعدو ڪري ٿو ته خاموش ٿي نه ويهندو.
سندس چوڻ هو ته جنگ سبب غزا جا ماڻهو فاقا ڪشي تي مجبور آهن، بمباري سبب غزا جي پٽيءَ ۾ ضروري سامان جو رڳو هڪ حصو ئي داخل ٿي رهيو آهي، ڏهن مان 9 ماڻهن کي به روزاني کاڌو نه ٿو ملي…….
