اسرائيل پاران غزه جنگ بندي معاهدي جون ڀڃڪڙيون جاري آهن، اسرائيلي فوج غزه شهر، بيت لاهيا ۽ خان يونس ۾ ٻيهر هوائي حملا ڪيا، توپخاني سان گوليباري ڪئي وئي. اسرائيلي فوج اولهندي ڪناري ۾ به ٻن ٻارن کي گوليون هڻي شهيد ڪري ڇڏيو، اسرائيلي فوج جي ڪارروائي ۾ ڪيترائي ماڻهو زخمي ٿيا، ڪارروائي دوران گهر گهر تلاشي ورتي وئي. گڏيل قومن جي سيڪريٽري جنرل انتونيو گوتريس لاڳيتو ڀڃڪڙين جي ڪري غزه جنگبندي معاهدي کي نازڪ قرار ڏنو، هن مڪمل امن لاءِ معاهدي جو احترام ڪرڻ جي اپيل ڪئي. ٻئي طرف، غزه ۾ هڪ اجتماعي قبر مان 51 لاش مليا آهن ۽ خان يونس مان هڪ اسرائيلي يرغمال جو لاش هٿ ڪيو ويو آهي، جيڪو اڄ اسرائيل جي حوالي ڪيو ويندو. غزه سول ڊفينس ايجنسي جي ترجمان چيو ته درجنين خاندان اڃا تائين تباهه ٿيل گهرن جي ملبي هيٺان دٻيل آهن، جن جا لاش اڃا تائين نه مليا آهن………