آءِ جي سنڌ غلام نبي ميمڻ چيو آهي ته سنڌ سمارٽ سرويلينس سسٽم ايس فور پراجيڪٽ جي تقريب هڪ ماڊل اسٽون آهي، هي منصوبو تڏهن ممڪن ٿيو آهي جڏهن وڏي وزير دلچسپي ڏيکاري آهي اڄ سيف سٽي جي شروعات ٿي وئي آهي، ان سرويلينس ڪيمرائن سان ڏوهارين جا فٽيجز ٺهي ويندا جيڪي ڪنوڪشن ۾ ڪم ايندا، جهڙي طرح مراد علي شاهه سندن تي اعتماد ڪري ٿو سندن جوابداري وڌي وڃي ٿي.
ملير ۾ سسئي ٽول پلازه وٽ سنڌ سمارٽ سرويلنس سسٽم جي افتتاحي تقريب کي خطاب ڪندي غلام نبي ميمڻ چيو ته سرويلينس سسٽم تي جيڪو خرچ اچي رهيو هو ان مان به 15 ڪروڙ رپيا بچايا آهن، پراجيڪٽ جي امپليمينٽيشن لاءِ بهتر آفيسرن تي ٻڌل ڪميٽي ٺاهي آهي.
سندس چوڻ هو ته هن سسٽم سبب جوابدارن کي گرفتار ڪرڻ ۾ تمام گهڻي مدد ملندي، هي سسٽم 40 ٽول پلازه تي لڳايو پيو وڃي.
آءِ جي سنڌ غلام نبي ميمڻ چيو ته سرويلنس سسٽم سان ڏوهي ماڻهن جي چرپر تي نظر ۽ گاڏي جي جعلي نمبر پليٽ به پڪڙي سگهبي.
هن چيو ته جوابدارن کي گرفتار ڪرڻ لاءِ شاهديون گڏ ڪرڻ ۾ آساني ٿيندي، هن سسٽم سان جوابدارن کي سزا ڏيارڻ ۾ سولائي ٿيندي.
آءِ جي سنڌ غلام نبي ميمڻ چيو ته هن منصوبي ذريعي ڪرائيم کي گهٽ ڪرڻ ۾ تمام گهڻي مدد ملندي.
اين آر ٽي سي جي سربراهه چيو ته اين آر ٽي سي ايڪسائيز ڊپارٽمينٽ جي نمبر پليٽس سڪيورٽي فيچرز سان ڪم ڪندو آهي.
هن چيو ته اين آر ٽي سي پوليس جي مختلف ونگس سان به ڪم ڪندو آهي، اڄ سنڌ جي پهرين ٽول پلازه کي مڪمل سمارٽ سرويلينس سان سي پي او کي ڳنڍيو ويو آهي.
اين آر ٽي سي جي سربراهه چيو ته صوبي جي ٻين ٽول پلازه کي به سسٽم سان ڳنڍيو پيو وڃي
