بابر اعظم جيترو وڏو رانديگر آھي اوترو ئي دلير ڪپتان بھ آھي: افتخار احمد

قومي ٽيم جي مڊل آرڊر بيٽر افتخار احمد چيو آھي تھ بابر اعظم جيترو وڏو رانديگر آھي اوترو ئي دلير ڪپتان بھ آھي.

ھڪ انٽرويو ۾ افتخار احمد بابر اعظم سان گڏ کيڏندي ٻين رانديگرن کي ملندڙ فائدن بابت پڇيو ويو.

افتخار احمد چيو تھ بابر اعظم جيترو وڏو رانديگر آھي ان جيترو ئي وڏو ڪپتان بھ آھي، ھو پاڻ جھڙي طرح دليري سان کيڏندو آھي، اھڙي ئي طرح ٻين رانديگرن کي بھ دليري سان کيڏڻ جي ھدايت ڪندو آھي.

ھن چيو تھ بابر اعظم ھميشھ سموري ٽيم کي سپورٽ ڪندو آھي ۽ رانديگرن ي چوندو آھي تھ جيڪڏھن اوھان کي بيٽنگ، بالنگ ۽ فلينڊنگ ۾ ڪنھن قسم جو مسئلو ٿئي تھ کيس ٻڌايو ھو ڪو نھ ڪو حل ڪڍي وٺندو پر دل ۾ ڳالھھ نھ رکو، سندن ٽيم ڪمبي نيشن سٺو ٺھيل آھي. ھن وڌيڪ چيو تھ سمورن پاڪستانين کي درخواست ڪيون ٿا تھ اسان لاءِ دعا ڪن تھ اسان ايشيا ڪپ کٽيون ۽ خوشي پنھنجي پاڪستانين کي ڏيون…