امريڪا، فلسطين ۽ اسرائيل تڪرار کي روڪڻ لاءِ چين کان مدد گهري ورتي

امريڪا، فلسطين ۽ اسرائيل تڪرار کي روڪڻ لاءِ چين کان مدد گهري ورتي. امريڪي پرڏيهي وزير انٽوني بلنڪن چيني پرڏيهي وزير سان رابطو ڪري اسرائيل فلسطين تڪرار کي وڏي جنگ ۾ تبديل ٿيڻ کان بچائڻ جي لاءِ سهڪار جي اپيل ڪئي. امريڪي پرڏيهي وزير جي رابطي دوران چيني پرڏيهي وزير فوري عالمي امن ڪانفرنس ڪوٺائڻ جو مطالبو ڪندي چيو ته اسرائيل-فلسطيني تڪرار وڌڻ ۽ تڪرار قابو کان ٻاهر ٿيڻ جو خدشو آهي. چيني پرڏيهي وزير جو چوڻ هو ته چين عالمي قانونن جي ڀڃڪڙين ۽ سويلينز کي ڪنهن به قسم جو نقصان پهچائڻ جي هر عمل جي مذمت ڪري ٿو.