اسپيڪر طرفان طارق بشير چيما بابت اٿاريل سوال ايوان منظور ڪري ورت

قومي اسيمبلي جي اسپيڪر اياز صادق، ايم اين اي زرتاج گل کان معافي وٺڻ باوجود طارق بشير چيما کي سموري سيشن لاءِ معطل ڪري ڇڏيو. اسپيڪر طرفان طارق بشير چيما بابت اٿاريل سوال ايوان منظور ڪري ورتو. طارق بشير  چيما ۽ زرتاج گل وچ ۾ ڏند چڪ ٿي هئي. معافي باوجود مخالف ڌر طارق بشير چيما  جي معطلي جو مطالبو ڪيو هو. ان کانسواءِ قومي اسيمبليءَ اسٽينڊنگ ڪميٽيون جوڙڻ لاءِ رٿ پڻ منظور ڪري ورتي،  رٿ ۾ اسپيڪر کي ڪميٽيون جوڙڻ ۽ ميمبرن جي شموليت جو اختيار ڏنو ويو. قومي اسيمبليءَ جي اسپيڪر پارليامينٽ هائوس ۽ ميمبرن جي تقدس لاٰءِ قدم کڻڻ جو پڻ فيصلو ڪيو رٿ منظور ٿيڻ بعد اسپيڪر قومي اسيمبليءَ جو اجلاس اڻڄاڻايل مدي تائين ملتوي ڪري ڇڏيو.