نوابشاهه ۾ وڪيل عورت روڊ حادثي ۾ فوت، والد پاران اڳوڻي مڙس تي قتل جو الزام

نوابشاهه ۾ وڪيل عورت روڊ حادثي ۾ فوت ٿي وئي، والد پاران اڳوڻي مڙس تي قتل جو الزام هنيو ويو آهي.

تعلقي ٿاڻي نوابشاهه جي حد قائد عوام يونيورسٽي ڀرسان وڪيل عورت ريما ڪنول روڊ حادثي ۾ فوت ٿي وئي.

حادثي ۾ فوت ٿي ويل عورت ريما ڪنول جي والد سندس اڳوڻي مڙس حماز عرف سجاد ڀٽي تي قتل جو الزام هنيو ويو آهي.

فوتي عورت جي والد جو چوڻ هو ته ريما ڪنول ڪجهه وقت اڳ جوابدار سجاد ڀٽي کان طلاق ورتي هئي جنهن تان جوابدار ڌمڪي ڏيندو هو، ان ئي کيس قتل ڪيو آهي.

سندس چوڻ هو ته نوٽيس وٺي معاملي جي جاچ ڪرائي انصاف فراهم ڪيو وڃي.