ڪراچي کان راولپنڊي ويندڙ تيزگام ايڪسپريس روهڙي اسٽيشن تي حادثي جو شڪار ٿي وئي

ڪراچي کان راولپنڊي ويندڙ تيزگام ايڪسپريس روهڙي اسٽيشن تي حادثي جو شڪار ٿي وئي. ريلوي ذريعن جو چوڻ آهي ته مسافر بردار ٽرين جي هڪ بوگي روهڙي اسٽيشن تي ٽريڪ تان لهي وئي، حادثي کانپوءِ اپ ٽريڪ بلاڪ ٿي ويو ۽ پٽڙي کي به نقصان پهتو آهي. حادثي جي اطلاع ملڻ کانپوءِ امدادي ڪارروايون جاري آهن جڏهن ته حادثي سبب ريل گاڏين کي مختلف اسٽيشنز تي بيهاريو ويو آهي. ريلوي ذريعن جو وڌيڪ چوڻ آهي ته واقعي ۾ ڪوبه جاني نقصان ناهي ٿيو، جڏهن ته ٽريڪ جي بحالي لاءِ ڪوششون جاري آهن.