اسرائيلي وزيراعظم نيتن ياهو لبنان جي مزاحمتي تحريڪ حزب الله جي سربراهه حسن نصرالله جي موت کي هڪ تاريخي موڙ قرار ڏنو آهي.
پرڏيهي ميڊيا رپورٽن موجب اسرائيلي وزيراعظم نيتن ياهو نيويارڪ جو دورو مڪمل ڪري واپس اسرائيل پهتو، جنهن کانپوءِ هن حسن نصرالله تي حملي ۽ سندس موت جي حوالي سان بيان جاري ڪيو.
اسرائيلي وزيراعظم حسن نصر الله جي موت کي تاريخي موڙ قرار ڏيندي چيو ته اسرائيل بيشمار اسرائيلي ۽ ڪيترن ئي پرڏيهي شهرين جي موت جو ذميوارن کان بدلو ورتو آهي.
نيتن ياهو چيو ته هن ان حملي جي هدايت ڪئي جنهن ۾ حسن نصرالله کي نشانو بڻايو ويو هو، گذريل ڏينهن ۾ حزب الله تي حملا ڪافي نه هئا.
اسرائيلي وزيراعظم ڌيڪ چيو ته اسرائيل جا مقصد حاصل ڪرڻ لاءِ حسن نصرالله کي ختم ڪرڻ ضروري هو، هو دشمنن تي حملا جاري رکڻ لاءِ پرعزم آهن.
واضح رهي ته لبنان جي راڄڌاني بيروت ۾ جمعي تي اسرائيلي حملي ۾ حزب الله جو سربراهه حسن نصرالله شهيد ٿي ويو هو.
