آمريڪي صدر جوبائيڊن چيو آهي ته لبنان مزاحمتي تحريڪ حزب الله جي سربراه حسن نصرالله جي پڄاڻي سان انصاف جو عمل پورو ٿيو، هاڻي غزه ۽ لبنان ۾ جنگ بندي ٿيڻ گھرجي.
وائٽ هائوس طرفان جاري بيان موجب، امريڪي صدر جوبائيڊن حسن نصرالله جي اسرائيلي حملي ۾ شهادت کي اسرائيل جو منصفاڻو قدم قرار ڏيندي چيو آهي ته امريڪا حزب الله، حوثين ۽ ايراني حمايت يافته دهشتگرد گروهن خلاف اسرائيل جي دفاع جي حق جي حمايت ڪري ٿو.
جوبائيڊن چيو ته حسن نصرالله جي پڄاڻي سان انصاف جو عمل پورو ٿيو، هاڻي غزه ۽ لبنان ۾ جنگ بندي ٿيڻ گهرجي.
امريڪي صدر چيو ته دفاع واري وزير کي وچ اوڀر ۾ امريڪي فوجي دفاعي پوزيشن کي وڌيڪ بهتر بڻائڻ لاءِ چيو آهي، جارحيت کي روڪڻ ۽ امريڪي پوزيشن بهتر بڻائڻ جي هدايت ڪئي آهي.
آمريڪي صدر جوبائيڊن وڌيڪ چيو ته اسان جو مقصد غزه ۽ لبنان ٻنهي ۾ جاري تڪرارن کي سفارتي ذريعي گھٽ ڪرڻ آهي
