الهيون ضرور ٿيڻ گهرجن، هنن شرط نه پر مطالبا رکيا آهن:بئريسٽر گوهر

پي ٽي آءِ چيئرمين بئريسٽر گوهر چيو آهي ته ڳالهيون ضرور ٿيڻ گهرجن، هنن شرط نه پر مطالبا رکيا آهن. اسلام آباد ۾ ميڊيا سان ڳالهائيندي بئريسٽر گوهر چيو ته 9 مئي ڪيس مان نالا خارج ڪرڻ جي درخواست داخل ڪرائي آهي، سمورا ڪيس جعلي آهن، انهن ۾ بريت ٿيندي، پي ٽي آءِ جي درخواست وزيراعظم ۽ ٻين خلاف آهي. هن چيو ته ڳالهين لاءِ پي ٽي آءِ بانيءَ ان کان اڳ به چيو هو، ڳالهيون ضرور ٿيڻ گهرجن، سياسي مسئلن جو حل ويهڻ سان ئي ٿيندو آهي، پر هنن ڳالهين لاءِ شرط نه پر مطالبا رکيا آهن، ان کان اڳ به ڳالهيون ٿيون پر هڪ اسٽيج کان اڳ ئي رابطو ختم ٿي ويو. پي ٽي آءِ چيئرمين چيو ته بس هاڻي گهڻو ٿيو، ملڪ کي بهتريءَ طرف وڌڻ گهرجي