- Advertisement -
اوٻاوڙو ويجهو شادي تقريب ۾ خوشي وچان فائرنگ جي نتيجي ۾ گولي لڳڻ سبب نينگري مارجي وئي، جڏهن ته هڪ نينگري زخمي ٿي پئي.
ڳوٺ گل چاچڙ ۾ شادي تقريب دوران فائرنگ ۾ 9 سالن جي شهناز چاچڙ گولي لڳڻ سبب ٿڏي تي فوت ٿي وئي، جڏهن ته 6 ورهين جي رابعه چاچڙ سخت زخمي ٿي پئي، جنهن کي ڳڻتي جوڳي حالت ۾ رحيم يار خان اسپتال منتقل ڪيو ويو.
هوڏانهن پوليس واقعي واري هنڌ پهچي فوتي نينگري جو لاش ضروري ڪارروائي بعد وارثن حوالي ڪيو ويو.
نينگري جو لاش گهر پهچڻ تي ڪهرام مچي ويو، شادي جون خوشيون ماتم ۾ تبديل ٿي ويون.
پوليس پاران واقعي جي رپورٽ کنڀڙا ٿاڻي تي داخل ڪئي وئي آهي، وڌيڪ جاچ ڪئي پئي وڃي.- Advertisement -
