بلوچستان ۽ خيبرپختونخوا ۾ سڪيورٽي فورسز جي مختلف آپريشنن ۾ 43 دهشتگرد مارجي ويا.
آءِ ايس پي آر طرفان جاري ڪيل بيان ۾ چيو ويو ته خيبرپختونخوا ۽ بلوچستان ۾ ڪارروايون 9 ڊسمبر کان ڪيون ويون.
ڳجهي ڄاڻ جي بنياد تي ڪيل ڪاررواين خارجين ۽ بلوچستان ۾ دهشتگردن لاءِ وڏو جهٽڪو آهي.
آءِ ايس پي آر موجب 12 ۽ 13 ڊسمبر جي جي رات سڪيورٽي فورز لڪي مروت ۾ آپريشن ڪيو، جنهن دوران دهشتگردن جي ٿاڪن کي اثرائتي نموني نشانو بڻايو ويو، ڪارروائي ۾ 6 دهشتگرد مارجي ويا.
پاڪ فوج جي ترجمان موجب 9 ڊسمبر کان اڄ تائين خيبرپختونخوا ۾ 18 دهشتگرد ماريا ويا آهن.
آءِ ايس پي آر موجب 13 ڊسمبر تي بلوچستان ۾ موسيٰ خيل ۽ پنجگور ۾ ڪارروايون ڪيون ويون، جن ۾ 10 دهشتگرد مارجي ويا، 9 ڊسمبر کان هيل تائين بلوچستان ۾ 25 دهشتگردن کي دوزخ ڀيڙو ڪيو ويو آهي.
